Apresentasaun Rezultadu Esbosu Política Estratégicas Peskiza Saude

INSP-TL, 19 Janeiru 2024 Dili:

Institutu Nasional Saúde Públika Timor-Leste (INSP-TL), halao enkontro Konsellu Diresaun dahuluk ba tinan 2024 nian, enkontro Konsellu Diresaun nee preside direta husi Exma Presidente INSP-TL no hetan partisipasaun husi diretores Gerais, Diretores Nacionais nomos Diretores Unidade sira. Enkontro Konsellu Diresaun hahu ho apresentasaun esbosu Política Estratégicas Peskiza saúde nian nudar resultadu servisu hamutuk ho parseiru Dezenvolvimentu MENZIES, Política ba Peskiza saúde nee aprezenta husi Prof.Dotor. Nelson Martins, no hetan apresiasaun husi membros Konsellu Diresaun INSP-TL nian.

Alende aprezentasaun política estratégicas saúde refere, Konsellu Diretivu Institutu Nasional Saúde Públika Timor-Leste, kontinua kedas enkontru hodi koalia kona-ba planu no implementasaun servisu kada Diresaun no Departamentu iha INSP-TL tinan 2024. Analisa ba vantagem no desvantagem sira nebe INSPTL hasoru durante tinan 2023 no mos desafiu sira nebe INSP-TL sei hasoru iha tinan 2024, foti esperiensia tinan 2023 nudar referência ba implementasaun programa 2024.